沖繩小札

牛魔王必食!🐮

日本總公司嘅《牛とろ焼きしゃぶ専門店 十二松六左衛門那覇別邸》正式喺10月11日登陸沖繩啦🎊

小編有幸受到邀請優先喺開張前一日去試食🤤

餐廳走日式和風糸, 坐位空間感十足 ,絕對無枱貼枱嘅情況。偷偷講你地知吖,餐廳嘅牆紙喺GUCCI精心設計,獨一無二架🤫 小編都忍唔住望多兩眼👀

《十二松六左衛門那覇別邸》嚴選宮古和牛,未聽過宮古牛?宮古牛非常稀少,所以一般只係喺沖繩同宮古島先品嚐到,而店家為咗比食客品嚐到宮古牛嘅美味,所有牛會係點菜之後先切成片,食嘅時候配上獨特風格嘅蔬菜卷,享受到一般燒肉店無法體驗到嘅美味!

除左宮古和牛燒肉以外,店家獨創一系列嘅和牛料理,黑松露和牛他他,黑松露和牛意大利飯,每次去日本都食燒肉嘅你 , 真係唔可以錯過🤓

📍沖縄県那覇市久茂地2丁目14-11
☎️ 098-861-8550
AdminOkinawa Arakaki Market
Read more

沖繩香檸直擊報導


一枝枝嘅沖繩香檸汁大家都見得多啦。 今次小編就有幸去到北琉興産香檸工場同大家直擊報導一粒粒新鮮嘅大宜味村香檸點樣成為一枝枝100%鮮榨香檸汁啦。

製作過程真係一絲不苟!首先要嚴選新鮮嘅香檸再慢慢清洗好, 再用人手檢查吓確保粒粒香檸新鮮無爛先可以開始製作,確保川陳皮素唔會浪費😎

睇住一籃又一籃嘅沖繩香檸連皮一齊放入特殊榨汁機榨,含有豐富的川陳皮素、橘紅素、甜橙黃酮、橙皮素和檸檬酸就喺咁榨出嚟啦!真喺滴滴皆辛苦,令小編大開眼界!
AdminOkinawa Arakaki Market
Read more

十月大解放

小編講緊嘅係沖繩終於解除左第4次“緊急狀態宣言” ,意味住餐廳,居酒屋,飲食店等唔使提早收鋪,仲可以提供酒精飲品🤪🤪🤪

小編收工都唔執輸立即就衝去那霸國際通, 同大家一齊睇下最新情況🤩 好多之前重門深鎖嘅餐廳,居酒屋都重新營業,成個國際通同週邊飲食街都有返生氣🌟

小編終於可以慢慢享受晚餐 ,唔駛趕住買外賣番屋企啦🥳
AdminOkinawa Arakaki Market
Read more

邪惡午餐肉玉子飯團

小編好耐無去那霸國際通,無意間發現咗一間新開嘅玉子飯團專賣店,一眼就比個開放式嘅廚房吸引住。😍
沖繩在地人話:如果無食過午餐肉玉子飯團,就無真正體驗過沖繩在地飲食文化。而哩間專賣店嘅特點係配上自家厚燒玉子,即叫即煎,小編即刻就忍唔住要ORDER返一份🤤
飯團即叫即製,再加上好juicy嘅厚燒玉子送到手上仲熱辣辣🤤 。睇落咁簡單既配搭,但喺食落一啲都唔簡單,有機會大家都要試下沖繩地道美食啦!
福助の玉子焼き
📍 〒900-0014沖縄県那覇市松尾 2丁目9番11號
AdminOkinawa Arakaki Market
Read more

其實呢個天氣應該要去海灘🏝

為咗捉緊夏天嘅尾巴🌞,小編出走咗去沖繩嘅渡嘉敷島浮潛,同陽光玩遊戲🏖
今次仲自製咗香檸特飲係海灘到chill返一日😎
材料好簡單,只需要香檸濃縮果汁+ 梳打水 + 蜜糖 + 冰粒 + 香檸 (打卡靚啲又可以吸收多啲川陳皮素)。一杯美味健康又消暑嘅香檸特飲就咁就誕生咗啦(˶‾᷄ ⁻̫ ‾᷅˵)💚💛💚💛💚
大家下次嚟沖繩, 一定要去外島玩返晚🏖

📍渡嘉敷港阿波連海灘
〒901-3500 沖縄県島尻郡渡嘉敷村 (ケラマ諸島)阿渡連
AdminOkinawa Arakaki Market
Read more

點只沖繩香檸咁簡單💚

「沖繩香檸日」就到啦。宜家係沖繩一行出街,香檸嘅製品真係總有一樣係左近。唔嚟沖繩都唔知道,沖繩香檸除咗直接飲用之外仲有多種食法。
今次小編C去咗大宜味村Shikuwasa Park辦公,探索不能錯過嘅香檸味。

登登登登😚😚
加入咗沖繩香檸粉末同果汁嘅石窯烤Pizza,即叫即烤。芝士配合沖繩香檸,食落一啲都唔會油膩,帶出不一樣嘅清爽風味!
最後一定要食埋期間限定嘅香檸甜品,「香檸x栗子x開心果」,完全顛覆咗我對沖繩香檸嘅印象😛😛

😋大宜味シークヮーサーパーク😋
沖縄県国頭郡大宜味村津波1424−1
AdminOkinawa Arakaki Market
Read more

估下我係扮西瓜嘅麵包定扮麵包嘅西瓜

唔知大家對博洛尼亞BO-LO'GNE有無印象呢?
小編C曾經係香港食過佢地嘅麵包之後一試難忘,估唔到可以係沖繩搵番失落咗嘅味道🥰
小編C今次有幸同大家分享西瓜限量版,精美嘅包裝設計,同以前紅極一時嘅方型西瓜相似度100%,切開睇完全同西瓜無分別🍉🍉🍉

西瓜麵包唔係得個樣,除左有外表仲有內涵!用朱古力製成嘅西瓜籽,配上濃濃嘅西瓜麵包香味,每一啖都感受到BO-LO'GNE引以為傲嘅麵包製作技術,只能大叫一聲「好好味呀!」

🍞ボローニャ泊店🍞
☆☆泊店☆☆
沖縄県那覇市泊1-26-12
AdminOkinawa Arakaki Market
Read more

CAFE カフェCOKOFU

知道大家一定好掛住沖繩啦,由今個星期開始,駐沖繩小編C會為大家不定時介紹沖繩好玩、好食、好買🥰🥰
作為首發,今次就為大家介紹一間將沖繩傳統食品くるまふ(車麩)轉化做潮流小食嘅CAFE カフェCOKOFU。

カフェCOKOFU店鋪裝修以木系為主軸,一入去就聞到朱古力濃濃嘅甜蜜感。即叫即製嘅車麩甜品、車麩小食同健康飲品,一定令你對傳統車麩有新嘅睇法🍦🍫🍩
カフェCOKOFU嘅製品標榜「不使用蛋、奶及動物性原料,只使用植物性原材料」,所以小編忍唔住手就買咗一堆精美嘅小食同好友同事分享🤣
其中「黑糖車麩朱古力碎碎」,係將黑糖車麩打碎加入濃厚嘅黑朱古力,香脆口感又唔會太甜,必買之選!

「2020年沖繩車麩格蘭披治優秀獎」 - 黑糖車麩,特別加入多良間産黒糖蜜而焗成嘅車麩,集香、甜、脆於一身,一次滿足曬三個願望,除咗傳統口味仲有黒糖・紅芋・塩黒糖比大家選擇!

如果對小編C介紹嘅產品有興趣,記得去Facebook Like同Share比朋友,Like得最多嘅產品,有機會係沖繩新垣商店以期間限定嘅方式出現㗎!🤩🤩🤩
AdminOkinawa Arakaki Market
Read more