食完有幸福嘅感覺🥰 治癒系Pancake🥞

雖然已經1月，但係沖繩嘅氣溫都係好反覆，有時只有13度，但有時又會升到20幾度。趁今日天氣幾好，特登去到瀬長島，順便食吓好耐無食、令人好掛住嘅幸福鬆餅！🥞

一入到鋪頭，我哋即刻嗌返份人氣之選嘅朱古力味🍫梳乎厘班戟，另外一份就點咗鹹嘅Pancake。我哋都好好奇到底鹹Pancake係咩嚟，原來就好似一份all day breakfast咁，鬆軟如綿嘅鬆餅配上幾款鹹味side dishes🥗🍳，成個感覺十分之健康。甜味嗰份Pancake除咗有朱古力醬同忌廉之外，仲加咗啲燕麥脆脆同堅果，每一啖都可以享受到多重口感🤩。

除咗食物令人心情愉悅之外，幸福鬆餅所在嘅位置正正對住沖繩蔚藍嘅大海🌊，户外座位可以享受到怡人嘅景色同埋海風🌬️。美食配美景，真係如其名有「幸福」嘅感覺！🥰

一邊嘆住咖啡一邊食Pancake，望住飛機升降，實在令人好懷念幾年前仲可以自由旅行嘅日子✈️。希望疫情快啲過去，大家都可以來沖繩玩啦！😤🏖️

幸せのパンケーキ ウミカジテラス 沖縄店
📍 〒901-0233 沖縄県豊見城市瀬長174−６ ウミカジテラス 32
☎️ 098-851-0009