河畔焙煎咖啡你試過未？美國村新開張福木屋Café

呢兩年美國村擴建咗好多，最明顯嘅改變係多咗好多唔同類型嘅高質Café☕！摩天輪下面就有一間喺疫情期間先開幕嘅「福木屋」咖啡室。

相信大家對福木屋呢個名應該冇乜印象，但如果提到國際通著名嘅年輪蛋糕，可能很多人就會話：「呀！哦~正呀！」，呢間咖啡店正正就係年輪蛋糕店開嘅 Café。除咗可以食到佢哋最著名嘅年輪蛋糕之外，仲可以試到自家焙煎咖啡，好彩嘅話仲會見到佢哋現場烘焙咖啡豆。除此之外，仲有唔同特色小食、周打海鮮湯、熱狗等等都值得客人一試。

小編最推薦係喺下午茶時間到訪佢哋Café，坐係露天茶座感覺就好似去咗東京高級咖啡室一樣，環境開揚俾到人放鬆嘅感覺，影相打卡肯定會被Like爆📸！秋冬天氣清爽嘅時候仲可以坐喺河畔，嘆住新鮮咖啡同蛋糕，渡過一個休閒治癒假期。

北谷町美浜 デポアイランド 自家焙煎珈琲 オリジナルスイーツ&サンドウィッチ
📍沖縄県中頭郡北谷町字美浜9-12
☎️ 098-936-8838
🌐 https://fukugiya.com/shop/shop-300/