🌳懸空在森林上的咖啡廳： Cafe Lodge

每當我同遊客講沖繩南部其實好靚而且有好多海景Cafe，大家就會反問小編：乜機場附近有好多Cafe咩？可唔可以介紹幾間俾我！每次聽到呢到都會有種嘔血嘅感覺。機場其實只係南部嘅開始，繼續南下有唔少高地，喺嗰到有唔少可以欣賞到無敵海景嘅Cafe🏝！

其實沖繩大部份海景Cafe 都集中喺南部，著名嘅「山邊茶屋」亦都喺附近。嗰度曾經有一間好出名嘅Cafe 叫做「風樹」，建築利用咗高地獨特嘅地形，令cafe成為一個空中樓閣。而露台下面就係樹林，向前望就係充滿魅力嘅沖繩海洋！但喺2018年，「風樹」受到颱風毁滅性破壞，休業一年進行復修同加固。重新開業嘅時候改名成為「Cafe Lodge」。