沖繩自駕遊必試！沙灘上嘅漢堡包店
Okinawa Market 除咗係一間 online shop 之外，我哋仲希望將沖繩文化推廣畀更多香港人認識！想認識沖繩，最直接就當然係去沖繩旅行啦！
今次介紹嘅係「沙灘上嘅漢堡包店」 SUNNYDAYS KITCHEN on the beach，係一間由名古屋開到去沖繩嘅漢堡包店，開業大約半年。店外店內都採用美式復古風嘅裝潢，以紅白為主色調，色彩十分鮮艷奪目。一到達店外，就會看到員工們揮動紅白間條嘅旗仔同客人們打招呼，十分熱情好客。
熊本縣出身嘅店長，有緣來到沖繩定居。大宜味村嘅村民對店長十分友善，畀咗店長一家好多活力。為答謝大宜味村之恩，店內使用嘅食材，包括香蕉、辣椒、香檸、苦瓜等，都是來自大宜味村農場出產嘅食材。SUNNYDAYS KITCHEN on the beach主打100%純牛肉漢堡，店中嘅招牌漢堡包括加入了大宜味村名產「香檸汁」嘅沖繩香檸漢堡、沖繩苦瓜漢堡、沖繩唐辛子漢堡、沖繩菠蘿漢堡等等！
↑ 沖繩菠蘿漢堡：無論喺沖繩定喺美國都係王道嘅菠蘿漢堡！酸酸甜甜嘅巨大菠蘿加上100%純牛肉漢堡，成為店內嘅熱門選擇之一
↑ 好特別嘅沖繩苦瓜漢堡：Juicy嘅漢堡，加上微苦嘅苦瓜，十分衝擊味蕾！鐘意食苦瓜嘅朋友唔好錯過呀！
漢堡店嘅另一賣點就係極靚嘅海景，大家可以坐喺沙灘位置對住大海用餐；怕曬嘅朋友，特別推介二樓的室內座位，能夠看見一望無際嘅沖繩大海，而且紅、白為主色嘅餐廳內都有好多靚位可以影相㗎！
SUNNYDAYS KITCHEN on the beach 位處北部，喺貫通沖繩嘅國道58號嘅路旁，最適合自駕遊嘅朋友作為中途休息點。
SUNNYDAYS KITCHEN on the beach
📍 地址：〒905-1305 沖縄県国頭郡大宜味村大兼久65
Okinawa, Kunigami District, Ogimi Village, Oganeku, 65
📷 Instagram：@sunnydayskitchen_okinawa
🕐 營業時間：11:00 - 16:00（逢星期二、三休息）
